दु:खमा साथ हातमा हात राखेर बाँचेको
तराइ सँग पहाड मिली हिमाल हाँसेको ||
पहाड दुख्दा मधेश रुन्छ झारेर आँसु त्यो,
विपत्ति पर्दा छल्किन्छ मायाँ लुकाई राखेको ||
बचाउ भन्दै साहारा माग्छ विपती बोकेर
बगाई आँसु रुँदै छ देश खोइ आँसु पुछेको ||
नेपाल आमा दुखेको बेला मल्हम बनेर
पार्नु छ निको आमाको घाउ मुटुमा लागेको ||
देशको सेवा गर्ने छौं भनी कसम खाएर
समाई हात अगाडि बढौं पुग्ने छ आँटेको ||
सावित्रा लुइँटेल घिमिरे
झापा, बिर्तामोड।
हाल-इजरायल।
Post a Comment
कृपया हजुरहरुको सुझाव-सल्लाह चाहन्छौं ।