गजल
जव घाम जून रहन्छन् गजल रहोस् तिमीसँग।
जागरूक र मायालुपन हरपल रहोस् तिमीसँग।
त्यों मनको क्यानभास भरि प्रेमिल चित्र कोर्नसकौं,
म केबल कूची न हूँ मसि बोतल रहोस् तिमीसँग।
गीत होस् या कबिता होस् या त यात्रा नियात्रामा,
रस रंग र प्रतिक बिम्ब सबल रहोस् तिमीसँग।
नहराउनु धेर एकान्तमा प्रकृतिको गुलाम बनी,
एकान्तपन भंग पार्ने मादल रहोस् तिमीसँग।
उदारणीय बन्नू सधै नबिझाए है कसैलाई नि,
प्रशांसानीय कवित्वमन कोमल रहोस् तिमीसँग।
मेरो जीवन बिसाउने चौतारी हौ तिमी भने,
आमाको झै प्यारो प्यारो आँचल रहोस् तिमीसँग। ♥ इन्दिरा प्रयास
झापा हाल सानोठिमी भक्तपुर
Post a Comment
कृपया हजुरहरुको सुझाव-सल्लाह चाहन्छौं ।