देशमा अत्याचारी नै हालिमुहालीछ्न,भन्ने थाहा पाए पछी ।
नमाग्नु भिख दिनेहरु कंगालीछन, भन्ने थाहा पाए पछी ।
आंखाको भाका पनि बुझ्ने कोशीस, अटुट गरिरहेको छु म ।
मुखले बोल्नेहरु महाँजालीछन, भन्ने थाहा पाए पछी ।।
कैले चढ्नु कैले झर्नुको कसरत मै, हुन्छु हरदम अचेल ।
जीवनमा धेरै उकाली ओरालीछन,भन्ने थाहा पाए पछी । ।
मैले बिकासको आशा मारेको, धेरै भो जननेताहरु हो ।
यो देशका ढुकुटी सबै खालीछन, भन्ने थाहा पाए पछी । ।
हरेक रातहरुमा अंध्यारो हटाउने, प्रण गरिरहन्छु म ।
उदाउने सुर्यमा अधिक लालीछन, भन्ने थाहा पाए पछी । ।
दु:ख लाग्दैछ जनताको बर्गिकारण,यसरि गरिएको देख्दा ।
धर्मको चपेटामा हर नेपालीछन, भन्ने थाहा पाए पछी ।
यहाँ चोर ,फटाहा र साधु पनि "दोषी" बनाउने दाउमा देखें ।
चुपचाप सहिदिने झापालीछन, भन्ने थाहा पाए पछी । ।
♥ मदन न्यौपाने 'दोषी', झापा।
Post a Comment
कृपया हजुरहरुको सुझाव-सल्लाह चाहन्छौं ।