गजलभयो अब दुख नगर, भन्नू हुन्छ बाले।
पैसा खातिर ज्युदै नमर, भन्नू हुन्छ बाले।
स्वाभिमानी नेपालिको, छोरो होस त बाबू,
पराइको शरण नपर, भन्नू हुन्छ बाले।
सुबासना छर्नु पर्छ, तैले यो देश भरी,
प्रबासमै ओइली नझर, भन्नू हुन्छ बाले।
कति सिच्छस पसिनाले, परदेशको माटो,
खेत खल्यान भए बन्जर, भन्नू हुन्छ बाले।
रोइ रहेछिन नेपाल आमा, आइज छोरा अब,
हसाउनुछ देशको अधर, भन्नू हुन्छ बाले।
मर्ने बेला तेरै काखमा, प्राण जाओस छोरा,
साचेको छु यति रहर, भन्नू हुन्छ बाले।
♥ जि. पि. तिवारी, झापा।
Post a Comment