गजल - प्रचुर अभाव

गजल

बिल्कुलै अनौठो भान हुँदैछ।
चोरहरुको यहाँ सम्मान हुँदैछ । 

हत्यारा मस्त खुलेआम हिँड्छ; 
निरपराधी जेल चलान हुँदैछ । 

अन्जानमा हुनु फरक हो तर, 
गल्तीहरु त जानाजान हुँदैछ ।

ढलेको लोटो नउठेको धेर भो,
भन्छन समस्या समाधान हुँदैछ ।

बेपत्ता भएछन् भगवान अचेल,
देख्दैछु मन्दिर सुनसान हुँदैछ ।

फूकीढलको'नि दिन फिरेछ क्यार,
हेर कस्तरी बलवान हुँदैछ ।।

♥ प्रचुर अभाव, बुधबारे, झापा।