कविता - अधुरो कथा (इन्दिरा प्रयास)

अधुरो कथा

चुपचाप चुपचाप
निफिक्री समय नदी झैँ
बगेको छ र
उसको दिनचार्या नून बिनाको सब्जी झैँ
त्यसै खल्लो खल्लो बेस्वादले घिस्रिएको छ
न तिमी बुझ्छौ उसलाई न बुझ्न खोज्छौ
लाग्छ गन्तब्य हराएको यात्री झैँ छ जीवनयात्रा

मनको क्यानभासमा
कसैको प्रेमिल चित्र कुदिएकोछ.....
कसैको प्रतिक्षाको घडी सकिएको छ
जसरी दुई किनारको मिलन हुन नसके झैँ
माया बिनाको सम्बन्ध र सम्बन्ध बिनाको माया
अर्थहीन भएँ झैँ
एकदिन सबै कुरा अधुरै अधुरा छोडेर
गन्तब्य मोड्नु पर्छ अनि तिमी र उसका
मेरा र तिम्रा अकल्पनिक जिजिभिसाहरु
छापिने छन् यत्रतत्र...

♥ इन्दिरा प्रयास, झापा।