गज़ल - मदन न्यौपाने "दोषी"

गज़ल

अफ्ठ्यारा बाटोहरु पार, गर्न बाँकीछ जीन्दगीले।
र अधुरा स्वप्न साकार, गर्न बाँकीछ जीन्दगीले।

दिनहुँ ढल्किन्छ उमेर, देह पनि स्थिर रहँदैन,
सुख र दुःख बारम्बार, गर्न बाँकीछ जीन्दगीले।

जननी ! तिम्रो सुरक्षामा, अझै खुकुरी उठाएर,
कठोर निर्णय दुइचार, गर्न बाँकिछ जिन्दगीले।

बिकाशको मूल फुटाउनु छ, देश समृद्ध बनाउन,
समाजमा अनेक कार्यभार,गर्न बाँकीछ जीन्दगीले।

चितामा शरीर जल्दा यदि,आत्मा 'दोषी' रहन्छ भने,
दु:खीत आत्माको उद्धार, गर्न बाँकीछ जीन्दगीले।

♥ मदन न्यौपाने "दोषी", झापा।