गजल - माईनस प्लस संग्रौला

गजल

दिदीको हात मेरो निधार खाली भो यसपाली।
परदेशीलाई समय नै जाली भो यसपाली।

पोहोर पनि उस्तै भयो बाचा गरे ऐले आउने,
साहुको काममा ब्यस्त माली भो यसपाली।

मोति दाना आँसु सँग नझर्नु है मेरी चेली,

चैत बैसाख खडेरीको बाली भो यसपाली।

सम्हालेर राखिदिनु मेरो शिरको शिर टोपी,
आर्शीबाद माया पनि गाली भो यसपाली।

बाचा गर्छु तिम्रो पाउ शिरले अब छुन पाउँने,
अनि दङ्ग उमंगको लाली भो यसपाली।

♥ माईनस प्लस संग्रौला

गरामुनी, झापा।