गजल - साबित्रा लुइँटेल घिमिरे

गजल

बाध्यताले यो साल पनि रहर बाँधी राखेको छ।
माइती घरको वियोगले यो मन साँचै फाटेको छ ||

पोहोर साल वाचा गरें आगौं पक्कै आउँछु भनि,
नियतिले ठग्यो मलाई बिवस्ताले गाँजेको छ ||

सम्झँदैछु ममताको आँचल भित्रै हराउँथ्यौ,
त्यै अतितको झल्को फेरी आँखै भरि नाँचेको छ ||

किन आउँछ चाड बाड चेलीको मन दुखाउँन,
भाग्यले नै दु:ख सँग गहिरो नाता गाँसेकोछ ||

माइती राजा सम्हाल है आमा बाबा घर गृहस्थी,
ऐठन चल्दा सम्झनामा ,यो मन दुख्न थालेको छ ||

♥ साबित्रा लुइँटेल घिमिरे
झापा बिर्तामोड
हाल-इजरायल